فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش

قالك مرة فى ثلاتة أغبياء يلعبو فى السريع اللى تضربه سيارة مرتين يطلع

في بو بريس خاطم القي فهد ابدي ايسب فيه .. قال له الفهد تي برا يا 

بوريس اعقابها حتى انت ,, امشي قاله كانك راجل تعال وراء الشجرة ,, 

امشي شده طاق طيق اطلع الفهد من غير عيون,, شافه النمر قاله خيرك ,, 

قاله بوبريس دارلي هكي ,, قاله بوبريس تي وينه ,, جي البوبريس للنمر 

قاله كانك راجل حتى انت اطلع وراء الشجرة ,, اعلق عليه وراء الشجرة طاق 

طيق ,, اطلع النمر حاله ,, شافهم الاسد قاللهم تي خيركم,, قالوله 

بوبريس ,, قاللهم بوبريس دار فيكم هكي تي وينه,, جاه البوبريس قاله حتى 

انت يا اسد كانك راجل اطلع وراء الشجرة

جاه وراء الشجرة ,, امشي البوبريس ايقول للتمساح الي وراء الشجرة حتى 

هدا يا ولد عمي حتى هدا معاهم

قالك في شيباني ,, بيشري سيارة ,, قالو له احسن حاجــة اشري مكسمـة ,,مش عادية بكل ثلاثيـن حصـان ,, اطير طيـران ,, المهم عمك الحويج خاطم في الطريق ,, و يلقى قدامـه صور و ايخش فيه ,, اتلقطوا عليه الناس ,, خير يا حويج لاباس شن صار ,, انزل من السيارة ايعيط الحويج ,, خزيه الشعب الكذاب ,, قالك ثلاثين حصـان ,, ما نقزش منهم و لا حصــان

ثلاثة حرايمية خشوا لحوازة طلعلهم مولى الحوازة هكي مداير

لبدوا في شكاير خيشة .. مولى الحوازة استغرب شن فيهم الشكاير هذو !!؟

ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج

ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.

ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

الولد لأبنه: نسكّر التلفزيون ؟ ... الإبن : لا لا .. خليه مردود

قالك في اسـد جي قدام حمــار ,, و يمـنع ,, الحمـار شافـه ,, استغرب ,, المهم الاسد يوقف شوية ,, ايشوف الحمار اشبحله ,, يمنع ,, الحمار استغرب و ايشدها في جـرته و الاسد يجـري و الحمـار في جــرته ,, لين وصلو لي مغــارة الاسد ,, شن طلع ,, قالك الاسـودة يلعبـوا حصـلة في الري من يجيب حمــــار حي

الأب : هل أخذتم الضرب في الحساب… الابن: نعم يا أبي وفي الجغرافيا أيضاً.

فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى

الطفلة تسأل أمها: ماما..علاش العروسة تلبس قفطان أبيض في العرس؟الأم:لأنها خاشة على دنيا جديدة كلها بيضاء..الطفلة:أها..وأني نقول علاش العريس يلبس في بدلة سوداء؟

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

واحد سكران طينة امعكس في الشارع في الليل القي سوادني شاد شكاير 

كناسة قاله ربي ايصون

في واحد رجباني ــ ما نبوش انقولو ترهوني باش خوتنا التراهنة ما 

يزعلوش ــ المهم في واحد رجباني ماشي ايهيج في طرابلس امشي طاح تيزتانه 

يعني محفضة,,, امشي للمركز قاللهم راح تيزتاني فيه 1000 دينار,,, امشي 

اعطوه الف دينار تعويض ,, روح لصاحبه قاله اضحكت عليهم قلتلهم ديزتاني 

فيه الف دينار و راح اعطوني الف دينار

امشي صاحبـــه للمركز قاللهم تيز تاني راح معاش القيته,,,, قالولــه 

شنو كان فيه ,,, قاللـــهم ــــ حــوازة و حــــوش على دورين

مراءة ليبية امشت من سيربح المليون امشي علقت في سؤال طلبت استعانة 

بصديقة,,اتصل جورج قرداحي :الوو اخت فاطمة ,,معاك جورج قرداحي من 

برنامج من سيربح المليون ,,قتله و النبي سكر من غير اتســهويك

مره بخيل وولده وقفوا تاكسي.قاله : كم ترفعنا للحوش قال السواق:3 دينار البخيل قال: ولدي..قاله السواق بلبلاش قاله البخيل خلاص ارفع ولدي بس

الأول : تجي نديرو آفاري ؟ .. الثاني : كيف ؟ .. الأول : أنتا تعطيني 

نص الفلوس اللي معاك وأنا ناخذ منك النص الثاني.

سكران خاطم من قدام عزاء .. حالة وفاء يعني قال الي اهل الميت ما فيش امل يرجـــع

مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول

في واحد ترهوني امشي لي طرابلي القي خلاط امتع عصير قامه و اقعد يفحص 

فيه ما يعرفاش شنو هوا قال و الله لما نشري واحد و اروح بيه... المهم روح 

بيه للبلاد ,, جابه للجماعة حطوه في النص ,, و دارو عليه دورة ,, و 

يفكرو فيه شنو هوا,, بعد سعتين و الا ثلاث ناض اذكى واحد فيهم على 

اساس ,, قاللهم و ربي الكعبة ما يطلع الا غسالة شخاشير

واحد طاح من فوق الحيط قالوله جاتك سليمة قاللهم قوللها اتخش المربوعة توا انجي

واحد تعرف على بنت قاللها شنى اسمك قتله -وعد- قاللها والله مانى مقايل لواحد

الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.

غبي خش إيعزي أهل المتوفى وقاللهم الانسان زي البني ادم اذا توفى مات .

واحد سأل واحد متعفلق: شن انواع المبارد؟ قاله المتعفلق: مبرد ناعم… ومبرد خشن… ومبرد وجهك

الأول : كيف تقول لشخص أجنبي تعالي هنا بالإنجليزي ؟ ... الثاني : 

نقول له "كم هير" .. الأول : وكيف تقول له برة غادي بالإنجليزي ؟ .. الثاني : 

نمشي غادي ونقول له "كم هير".

شاركنا انت ايضا  بنكتة افضل من هاته النكت في تعليق اسفله .

اذا لم تعجبك النكت المكتوبة عليك بمشاهدة هذا الفيديو

  نكت باللهجة اللليبية مضحكة جدا